Keyptir? Er ekki verið að tala um að KFÍ sé of fátækt til að standast öðrum liðum snúning í deildinni? Ef þeir kaupa þennan fjölda af mönnum hljótum við að vera að tala um eitt af ríkari liðum deildarinnar!!

Gunni wrote:
Ekki flókið mál. Árangur KFÍ á næsta ári ræðst af þeim 8-10 útlendingum sem verða keyptir til að spila fyrir þá. Með góða túlka eru þeir til alls líklegir.

Gunni fær prik fyrir besta humorinn hér. Góður!!!

Ég er í stjórn KFÍ og hef haft mikið gagn og gaman að því að lesa þessar vangaveltur. Greinilega búast menn við miklum tíðindum að Vestan (sem er líklega skiljanlegt) og vonandi verða þau öll góð fyrir okkur. Lofa ykkur því að taka þetta allt saman til greina og væntanlega mun stjórn KFÍ hittast fljótlega og fara yfir þessar tillögur sem hér hafa komið fram. Niðurstaðan verður svo væntanlega kynnt eftir fund.

Með körfuboltakveðju,

Helgi Kr. Sigmundsson, ritari KFÍ.

Glæsilegt Helgi!! Viss um að netheimar bíða fréttanna í ofvæni miðað við þá athygli sem KFÍ fær hér alla jafna. Sýnist reyndar að þráðurinn sé löngu farinn þá leið sem ekki var stefnt að í upphafi.

Er ekki bara málið að samgleðjast Ísfirðingum, þetta er hið besta mál sama hvort þjálfarinn eða þessir leikmenn halda áfram. Nú geta Vestfirðingar farið unnvörpum á hörkukörfuboltaleiki næsta vetur og barið snillinga eins og Hlyn Bærings augum.

Þessi körfuboltaheimur er hverfull, maður man ekki betur en að það hafi verið að ræða það síðasta sumar á þessum misvitru spjallsíðum að þjálfarinn skeleggi væri á leið frá Ísfirðingum eitthvað annað sem ekki varð svo úr. Hefðu Ísfirðingar þá ekki bara planað eitthvað annað?

Til hamingju Ísfirðingar. Þetta lið ykkar á allt gott skilið, burtséð frá þjóðerni og það á líka allt það góða fólk sem hlýtur að standa á bak við þetta félag.

Það má ekki gleyma því að öll umgjörð og metnaður er frábær á Ísafirði. Þeir senda alla leiki beint út á netinu með þuli og síðan þeirra er mögnuð. Það þarf áræðanlega menn með með kúlur til að gera svona og hlýtur að vera fagnaðarefni fyrir heyfinguna í heild að fá þá upp aftur. Það er frábært að spila fyrir vestan og eru þeir vel að þessum árangri komnir. Það verður gaman að sjá hvað Gaui og félagar draga upp úr hattinum næsta vetur. Og ég er ekkert hræddur um að það verði eitthvað annað en snilld eins og ætíð hjá vestfirðingum

Held að fólk ætti að róa sig í þessari þjálfaraumræðu. Borce á hrós skilið fyrir tímabilið ásamt öllu liðinu. Ef hann verður áfram á næsta ári verður hann örugglega hörkufínn. Málið er samt að árangur allra þjálfara er svo algerlega mannskapsmiðaður að það hálfa væri nóg. Þegar Craig Schoen kom til KFÍ var liðið með samanlagðan árangur 13 sigrar og 19 töp undir stjórn Borce í fyrstu deild á Íslandi, var sá árangur þjálfaranum að kenna? Með hjálp Schoen var árangurinn 11-7 á síðasta tímabili og nú þegar þeir Sowa og Tratnik hafa mannað teiginn ásamt þessum serbneska jaxli allan veturinn er þessi niðurstaða ljós.

Ef leikmannahópurinn heldur sér nokkurn veginn fyrir næsta tímabil og eitthvað svigrúm er eftir fyrir 2-3 leikmönnum eiga Ísfirðingar fínan séns á að halda sér uppi!